Хто такі Рыгор Катоўскі – добры камандзір, які ў сілу абставінаў спярша быў бандытам, ці наадварот – хвацкі бандыт, які паступіў на службу ў войска, каб уратавацца ад пятлі? І чым прыметная менская вуліца Катоўскага?
Рыгор Катоўскі (1881–1925) – легендарны камандзір чырвонае кавалерыі. Але спярша ён быў вядомы як атаман Пякельны ды Робін Гуд з Бесарабіі. Ягоная постаць ахутаная рознымі легендамі, частку з якіх ён сам і стварыў. У свой час за яго заступаліся адмірал Аляксандр Калчак і жонка генерала Аляксея Брусілава Надзея.
Якімі бандыцкімі подзвігамі праславіўся Рыгор Катоўскі, што царскія ўлады асудзілі яго на смерць? Як ён уратаваўся з пятлі? Якім камандзірам ён паказаў сябе? Чаму ён атрымаў вуліцу ў Менску, а ягоны ці то сябра, ці то вораг адэскі бандыт Мішка Япончык – не?
Біяграфію Рыгора Катоўскага апіша і пракаментуе аўтар і вядоўца праграмы Лявон Вольскі. Гістарычныя падрабязнасці жыцця нашага героя згадае гісторык Уладзімір Плавінскі.
А жыхар сталічнай вуліцы Катоўскага Міхась падзеліцца асаблівасцямі жыцця тут ды патлумачыць, як назвы вуліцаў падымаюць узровень культуры людзей, якія па іх ходзяць.
Праграму «Шыльды» глядзіце штонядзелю а 20:05 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.
Калаж з фота: kinopoisk.ru
