«The Hardkiss» у #BML – галоўныя гіты ў акустыку і беларускамоўны сюрпрыз
30.03.201921:20
У студыі аўтарскага праекту Cяргея Будкіна «Belsat Music Live» – адзін з асноўных рок-гуртоў Украіны «Hardkiss» з адмысловым акустычным сэтам, поўным сюрпрызаў.
Юлія Саніна распавядае, якім чынам ейны гурт звязаны з Беларуссю, і ўпершыню заспявала на беларускай мове. У размове з вядоўцаю Міраю Шульц спявачка разважае, ці можа быць музыка па-за палітыкаю, і дзеліцца сваймі назіраннямі наконт таго, як адбудаваць нацыянальны музычны рынак.
Песні, якія гучаць у праграме:
- «Кораблі» (музыка Юліі Санінай і Валерыя Бябко, словы Юліі Санінай)
- «Прірва» (музыка Юліі Санінай і Валерыя Бябко, словы Юліі Санінай)
- «Журавы» (музыка Юліі Санінай і Валерыя Бябко, словы Юліі Санінай, пераклад на беларускую Андрэя Хадановіча)
- «Stones» (музыка Юліі Санінай і Валерыя Бябко, словы Юліі Санінай)
- «Сердце» (музыка Юліі Санінай і Валерыя Бябко, словы Юліі Санінай)
Глядзіце Belsat Music Live кожную суботу а 21:15 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы. Падпісвайцеся на наш YouTube-канал «Белсат Музыка».
