У Кіеўскім скверы ў Менску 24 сакавіка пачаўся вялікі святочны канцэрт да Дня Волі. «Белсат» ладзіць стрым праз YouTubeі сацыяльныя сеткі. Нагадаем, што мітынг і канцэрт у Кіеўскім скверы дазволіў Менгарвыканкам. Арганізатарамі імпрэзы выступаюць прадстаўнікі руху «За свабоду», БХД, БСДП і АГП.
Усіх наведвальнікаў заклікаюць прыносіць бел-чырвона-белыя сцягі і нацыянальную сімволіку.
У скверы працуюць фудкорты, палітычнае намётавае мястэчка і кірмаш рамеснікаў. Сярод сённяшніх выступоўцаў – гурты «РСП», «NRM», «Дай дарогу», «Няхай», «KaS», «Водар».
Расклад выступаў:
13:15 – 13:45 «Водар»
14:00 – 14:40 KaS
14:50 – 15:20 «Няхай»
15:30 – 16:10 «Разьбітае сэрца пацана»
16:25 – 17:10 «Дай дарогу!»
17:20 – 18:10 N.R.M.
18.45 Акцыя завершаная. Паводле аднаго з арганізатараў, Дзяніса Садоўскага, у святкаванні Дня Волі ў Менску ўзялі ўдзел «прыкладна столькі ж, як і ў Горадні». Крытычна не хапіла часу для лепшай арганізацыі імпрэзы, але вынікамі арганізатары задаволеныя.
18.30 Каля 4,5 тыс. рублёў было сабрана арганізатарамі на аплату сённяшняй імпрэзы.
17.48 выступае N.R.M.
17.21
16:50 Віталь Рымашэўскі распавёў, што быў адпушчаны супрацоўнікамі міліцыі праз некаторы час пасля затрымання.
16:10 у жывым эфіры «Белсату» затрыманы Віталь Рымашэўскі.
15:47
15:30 На сцэне «Разьбітае сэрца пацана»
15:00 Некалькі ўдзельнікаў акцыі ўзнялі плакаты з патрабаваннем вызваліць палітвязняў Святаслава Барановіча і Міхаіла Жамчужнага, а таксама спыніць пераслед кіраўніка прафсаюза РЭП Генадзя Фядыніча.
14:28 Дэпутатка Палаты прадстаўнікоў Ганна Канапацкая ў эфіры «Белсату»: «Саюзная дамова Беларусі з Расеяй мае быць скасаваная».
14:20 На ўваходзе ў Кіеўскі сквер людзі ў цывільным затрымалі грамадскіх актывістаў Наталлю Басалыгу і Аляксандра Кабанава. Прычыны затрымання невядомыя.
13:52 У крамах побач з месцам правядзення канцэрту з 10 да 21 не прадаюць алкаголь.
13:30 Арганізатары канцэрту ўсталявалі свае намёты, дзе распаўсюджваюць агітацыйную прадукцыю і збіраюць сродкі на канцэрт. З неабходных Br 14 000 рублёў сабралі каля Br 3000. Збор сродкаў будзе працягвацца цягам 10 дзён пасля акцыі. Сродкі пойдуць на ганарары артыстаў, а таксама на аплату працы міліцыі і камунальнікаў.
13:00 На сцэну выйшаў гурт «Водар».
12:56 У Кіеўскім скверы сабралася каля 1000 асобаў. Большасць з іх – моладзь.
25 сакавіка, Менск
Не гледзячы на тое, што на 25 сакавіка гарадскія ўлады не дазволілі правядзенне аніякіх імпрэзаў, арганізатары святкавання Дня Волі ў Менску прапаноўваюць сабрацца ў гэты дзень на Кастрычніцкай плошчы і зладзіць шпацыр да Валадарскага, 9 – таго самага будынку, дзе абвесцілі незалежнасць БНР. «Белсат» зладзіць адмысловы стрым з гэтай падзеі ў «Facebook».
