Нашая мэта – 1000 кіламетраў, заяўляюць арганізатары акцыі «Вольны забег – 2019»! Сёння стартавала рэгістрацыя на акцыю, якая мусіць аб’яднаць беларусаў усяго свету з нагоды святкавання 101-ай гадавіны БНР. Прабяжыце, колькі зможаце, галоўнае – паказаць, што нас сапраўды яднае. Уласна пра гэтую акцыю гаворым з яе арганізатарамі ды ўдзельнікамі, кіраўніком аддзелу інфармацыі нашага тэлеканалу Змітром Ягоравым, а таксама з Вольгай Ермалаевай Франко, якая з намі на сувязі з Бразіліі.
Зміцер Ягораў: Летась вельмі шумна мы адзначалі стагоддзе БНР, а беларусы, якія не могуць прыехаць у Менск, як Вольга з Бразіліі, – гэта не так проста. Мы ж таксама ўсе хочам далучыцца з замежжа, адсвяткаваць! Якім чынам? Мы і вырашылі зрабіць такі флэшмоб: прабегчыся са сцягам, сфоткацца, паказаць, што мы ёсць. І пераўзышло ўсе нашыя чаканні тое, колькі людзей, колькі краінаў узяло ў гэтым удзел!
Вольга Ермалаева: Беглі ў нас і з Дубаяў, Тайланду, летась бегла Нігерыя, і сёлета, здаецца, таксама будзе ўдзельнічаць. Спадзяёмся падключыць Аўстралію, бо летась не паспелі дагрукацца, але цяпер будуць людзі! Спадзяёмся ахапіць яшчэ больш розных краінаў!…
Працяг размовы – у сюжэце.
