Kamentar

Латушка назваў магчымыя тэрміны выдачы ордару на арышт Лукашэнкі

img
Намеснік кіраўніцы Аб'яднанага пераходнага кабінету, старшыня Народнага антыкрызіснага ўпраўлення Павел Латушка дае каментар «Белсату» падчас сустрэчы вызваленых палітвязняў у Цэнтры беларускай салідарнасці. Варшава, Польшча. 18 верасня 2026 года. Фота: LookByMedia

Расследаванне злачынстваў супраць чалавечнасці ў дачыненні беларусаў у Міжнародным крымінальным судзе ў Гаазе можа заняць ад 11 да 18 месяцаў ад студзеня 2027 года, а разгляд пытання пра ордар на арышт Аляксандра Лукашэнкі – яшчэ паўгода. Такі прагноз у эфіры «Раніцы з «Белсатам» агучыў намеснік кіраўніцы Аб'яднанага пераходнага кабінету, старшыня Народнага антыкрызіснага ўпраўлення Павел Латушка.