У Вільні працуе беларуская прастора Kropka – крама-майстэрня і культурная пляцоўка. Тут прадаюць адзенне, аксесуары і мерч беларускіх брэндаў, а таксама праводзяць сустрэчы і імпрэзы. Праект адкрыў былы палітвязень Зміцер Фурманаў са сваёю жонкай Вольгай – у інтэрв’ю «Белсату» ён расказаў, колькі каштаваў запуск, чаму бізнес пакуль працуе амаль у нуль і з якімі цяжкасцямі сутыкаецца.