Naviny

Рэйкавыя дыверсанты з’ехалі ў Беларусь на звычайным аўтобусе на падставе сваіх дакументаў – пракуратура Польшчы

24.11.2025, 16:55

чыгунка ў Польшчы — Кіраўнікі сілавых структураў і прэм’ер-міністр Польшчы на месцы падрыву чыгункі між Варшавай і Люблінам. Блізу вёскі Міка, Польшча. 18 лістапада 2025 года. Фота: MSWiA / X

Яшчэ аднаму грамадзяніну Украіны, Уладзіміру Б., выстаўленае абвінавачванне ў рыхтаванні дыверсіяў на чыгунцы ў Польшчы. Ён затрыманы. Два іншых падазраваных зʼехалі ў Беларусь на рэйсавым аўтобусе на падставе сваіх сапраўдных дакументаў. Пра гэта распавёў журналістам падчас прэс-канферэнцыі прэс-сакратар Нацыянальнай пракуратуры Польшчы Пшэмыслаў Новак.