Епіскап Полацкі і Глыбоцкі Ігнацій добраславіў канцэрт, які прайшоў у Полацку ў рамках праекту расейскага спевака Алега Газманава «Песні Перамогі. Галасы пакаленняў» 2 ліпеня, заўважыла «Хрысціянская візія».
Праект праводзіцца рухам «Газманов-Родники». Яго ўзначальвае Алег Газманаў, які актыўна падтрымлівае расейскую агрэсію супраць Украіны.
Серыя канцэртаў пачалася на Паклоннай гары ў Маскве, а цяпер удзельнікі праекту даехалі да Полацку. На сцэне з'явіўся ў тым ліку епіскап Полацкі і Глыбоцкі Ігнацій (Ігар Луковіч), які добраславіў падзею.
Епіскап Ігнацій звярнуўся са сцэны да гледачоў:
,,«Наш прэзідэнт Аляксандр Рыгоравіч кажа, што ў нас дзве дзяржавы, але адна Айчына. Хацелася, каб гэтая любоў да Айчыны, выражаная ў словах, вершах і песнях, сёння прагучала з гэтай сцэны. І мы разам з вамі радаваліся б зносінам і таму, што мы разам можам існаваць пад мірным небам».
Тэлеканал «Саммит+TV» распавёў, што планавалася выконваць такія песні, як «Салдацкая каша» і «Русский мир».
Арсен Рудэнка belsat.eu
