навіны

Польшча працягнула спрошчаную выдачу падарожнага дакументу для беларусаў

Польскія падарожныя дакументы
Польскія падарожныя дакументы. Варшава, Польшча. 30 траўня 2024 года. Здымак мае ілюстрацыйны характар. Фота: Таццяна Верамеева / Белсат
podpis źródła zdjęcia

Прынамсі да канца 2025 года грамадзяне Беларусі ў Польшчы змогуць атрымаць «замяняльнік пашпарта» паводле ранейшай спрошчанай працэдуры: бясплатна і без доказаў немагчымасці атрымаць «родны» пашпарт.

Чытайце таксама:
Беларускі пашпарт, польскія ВНЖ і дакумент замежніка. Здымак мае ілюстрацыйны характар. Фота: baj.media

Правілы працы замежнікаў у Польшчы змяніліся. Распавядаем важнае

Міністр унутраных справаў і адміністрацыі Польшчы падпісаў 24 чэрвеня распараджэнне (PDF) аб чарговым падаўжэнні дзеяння спрошчаных правілаў атрымання польскага падарожнага дакументу для замежніка (polski dokument podróży dla cudzoziemca) для грамадзянаў Беларусі да 31 снежня 2025 года.


Гэты дакумент замяняе пашпарт у выпадку, калі грамадзянін іншай краіны страціў свой пашпарт і не можа яго аднавіць. Напрыклад, калі пашпарт сапсаваны або калі тэрмін дзеяння скончыўся, а атрымаць новы пашпарт сваёй дзяржавы на тэрыторыі Польшчы немагчыма.


Спрошчаны парадак для беларусаў увялі з 1 ліпеня 2023 года і ўжо не раз падаўжалі яго. Падарожны дакумент асабліва актуальны для беларускіх грамадзянаў, бо ўлады Беларусі ў 2023-м адмовіліся выдаваць і мяняць пашпарты сваіх грамадзянаў за мяжою.

Паводле спрошчанай працэдуры, польскі падарожны дакумент для грамадзянаў Беларусі выдаюць бясплатна і не патрабуюць даказваць немагчымасці вярнуцца на радзіму – хіба папросяць напісаць кароткае абгрунтаванне звароту па «замяняльнік пашпарта» на дадатак да звычайнага набору дакументаў. Праект «Partyzanka» звяртае ўвагу: з лета 2023 года дзеіць абноўлены бланк заявы – трэба браць гэты бланк з афіцыйнай крыніцы.


Дакумент па-ранейшаму выдаюць на год, хоць дэмакратычныя сілы даўно просяць выдаваць яго адразу на некалькі гадоў. Заяўку трэба падаваць у Аддзел справаў замежнікаў паводле месца жыхарства (у Варшаве гэта Маршалкоўска 3/5), рэзерваваць месца ў чарзе не трэба – дастаткова ўзяць квіток у жывую чаргу.


Як вядома з абгрунтавання пастановы, летась па такі дакумент звярнуліся толькі 3893 грамадзяніны Беларусі, толькі 3328 атрымалі яго. Гэта ўсё яшчэ рэдкі дакумент, таму з ім могуць узнікнуць пэўныя праблемы праз адсутнасць ведаў у чыноўнікаў і службоўцаў. Напрыклад, могуць быць праблемы з адкрыццём рахунку ў банку або з палётамі лоўкостэрамі.


Дэмакратычныя сілы Беларусі працягваюць працу над «пашпартам Новай Беларусі», але пакуль не дамагліся прызнання дакументу хаця б адной краінай і не распачалі шырокай выдачы дакументу. Перайсці мяжу паводле «пашпарта Новай Беларусі» можна хіба выпадкова – зноў жа, праз адсутнасць ведаў у адказных асобаў.


Алесь Наваборскі belsat.eu

больш па гэтай тэме

Глядзіце больш
Item 1 of 4

апошнія

Item 1 of 10