навіны

У аптэках знік жыццёва важны беларускі прэпарат для цяжарных. Падобна, вывезлі ў Расею

img
Паліца з лекамі ў аптэцы. Здымак мае ілюстрацыйны характар. Фота: aleksandarlittlewolf / freepik.com
podpis źródła zdjęcia

У Беларусі няма ў продажы антырэзуснага імунаглабуліну айчыннай вытворчасці. Дэфіцыт гэтага прэпарату ўзнік у Расеі, і тамтэйшыя ўлады паведамілі, што з нашай краіны ўжо завезлі 1,5 тысячы ампулаў і што плануюцца новыя пастаўкі.

Расейскае выданне «Известия» напісала пра дэфіцыт у суседняй краіне антырэзуснага імунаглабуліну – прэпарату для цяжарных. Яго бракуе не толькі ў шмат якіх аптэках, але і ва ўстановах аховы здароўя.


Гэты імунаглабулін патрабуецца цяжарным жанчынам з адмоўным рэзус-фактарам, калі ў плода – дадатны. Калі не ўвесці прэпарату, у найгоршым выпадку дзіцяці можа памерці да нараджэння.


Днямі расейскія ўлады паведамілі, што далі дазвол на ўвоз 1,5 тысячы ампулаў прэпарату беларускай вытворчасці. Іх ужо завезлі «ў рэгіёны з найменшай забяспечанасцю, у тым ліку ў Цвярскую вобласць», чакаюцца пастаўкі і ў Пецярбург.


Болей за тое, у другім паўгоддзі Расея плануе завезці новыя партыі беларускага антырэзуснага імунаглабуліну.

Імунаглабулін антырэсус вытворчасці РНПЦ трансфузіялогіі і медычных біятэхналогіяў. Фота: bloodservice.by
Імунаглабулін антырэсус вытворчасці РНПЦ трансфузіялогіі і медычных біятэхналогіяў. Фота: bloodservice.by

«Еўрарадыё» звярнула ўвагу, што ў Беларусі «не тое каб дастаткова» гэтага прэпарату.


«Неўзабаве пастаўляць гэты прэпарат уласнай вытворчасці ў РФ пачне Беларусь. Але на сёння ён жа ёсць толькі ў 245 аптэках з больш чым чатырох тысячаў», – напісала выданне.


Насамрэч беларускі прэпарат ужо пачалі завозіць ў Расею, а ў 246 аптэках па ўсёй краіне (97 з іх – у Менску) маецца толькі шведскі аналаг, кошт якога – ад 322 да 340 рублёў за ампулу.


А антырэзуснага імунаглабуліну айчыннай вытворчасці, што вырабляе РНПЦ трансфузіялогіі і медычных біятэхналогіяў, у продажы няма зусім, сведчыць сэрвіс «103.by».


Антырэзусны імунаглабулін вырабляюць з плазмы крыві, прычым пасуюць толькі донары з адмысловымі антыцеламі. З увагі на гэта вытворчасць прэпарата досыць абмежаваная.


Сцяпан Кубік belsat.eu

больш па гэтай тэме

Глядзіце больш
Item 1 of 4

апошнія

Item 1 of 10