Масавыя пратэсты супраць дзеянняў Іміграцыйнай і мытнай паліцыі і палітыкі Доналда Трампа ў ЗША, паводка ў найбяднейшай правінцыі Паўднёва-Афрыканская Рэспублікі, масаваныя ракетныя абстрэлы паміж Ізраілем і Іранам, пратэсты ў сталіцы Кеніі праз забойства блогера ў пастарунку, новы абмен ваеннапалоннымі ва ўзросце да 25 гадоў паміж Украінай і Расеяй, пра які дамовіліся дэлегацыі падчас перамоваў у Стамбуле – сабралі галоўныя здымкі за тыдзень.
У ноч на пятніцу Ізраіль пачаў наносіць удары па ядравых і вайсковых аб’ектах Ірану. У выніку ізраільскага ўдару загінулі некалькі высокапастаўленых іранскіх камандуючых, сярод якіх – кіраўнік Корпусу вартаўнікоў Ісламскай рэвалюцыі генерал Гусэйн Салямі, камандуючы ўзброенымі сіламі Ірану генерал Голям Алі Рашыд, некалькі вайскоўцаў і два фізікі-ядравікі. Паводле Цагалю, у адказ Іран выпусціў больш за 100 ракетаў па тэрыторыі Ізраілю, большасць з іх была збітая СПА ці не даляцела да цэляў. У Іране загінулі 78 чалавек, больш за 320 атрымалі раненні, у Ізраілі 3 чалавекі загінулі, 19 атрымалі раненні.
Начальніка галоўнага паліцэйскага ўчастку Джэймза Мукўану (James Mukhwana) затрымалі за забойства маладога блогера, які быў пад вартаю. Смерць Элбэрта Оджўонга выклікала пратэсты пасля таго, як дактары зняпраўдзілі заяву паліцыі, быццам той памёр ад самананесеных траўмаў, выкліканых ударам галавой аб сцяну камеры. Медыкі прыйшлі да высновы, што гэта, верагодна, быў вынік нападу.
Вердыкт па абвінавачанні ў згвалтаванні акторкі Джэсікі Мэн у 2013 годзе яшчэ не абвешчаны. Таксама ў 2022-м суд у Лос-Анджэлесе прызнаў яго вінаватым у згвалтаванні і двух эпізодах сексуалізаванага гвалту, учыненых ім у 2013-м, і прыгаварыў да 16 гадоў турэмнага зняволення. Справа супраць Ўайнстэйна сталася каталізатарам руху #MeToo, скіраванага супраць сексуальнага гвалту і дамаганняў.
У палоне Дмытро Шапавалаў прабыў адзін год, адзін месяц і трынаццаць дзён. Кадры ягонага абмену 26 красавіка 2023 года абляцелі ўкраінскія і замежныя медыі. Тады толькі што вызваленыя і знясіленыя ў няволі вайскоўцы ласаваліся яблыкамі і не стрымлівалі эмоцыяў. «Я пра яго год марыў, пра яблык», – сказаў тады Дмытро.
Высокапастаўлены чыноўнік заявіў, што спробы ратавання ў першыя гадзіны пасля катастрофы былі «паралізаваныя» нястачаю рэсурсаў. Оскар Мабуянэ, прэм'ер-міністр правінцыі Усходняй Капскай правінцыі, паведаміў, што паводка адбылася, пакуль шмат хто спаў. Вада ў месцах дасягала 3-4 метраў.
Дамоўленасці пра маштабны абмен палоннымі дасягнулі ў хадзе перамоваў расейскай і ўкраінскай дэлегацыяў у Стамбуле 2 чэрвеня. Бакі дамовіліся абмяняцца цяжкапараненымі вайскоўцамі і палоннымі векам ад 18 да 25 гадоў, а таксама перадаць адно аднаму 6000 целаў вайскоўцаў, якія загінулі на вайне.
