Беларусы і жыхары іншых краінаў увечары 10 чэрвеня і ўначы 11-га маглі назіраць у небе трускаўкавы Месяц.
Журналісты выданняў «Новополоцк сегодня» і БелТА паказалі, якім быў спадарожнік Зямлі над Беларуссю.
Трускаўкавым Месяцам называюць чэрвеньскую поўню, што лічыцца найніжэйшай у годзе. Назва гэтай з'явы звязаная як з колерам Месяца, так і з пачаткам трускаўкавага сезону.
У гэтым чэрвені поўня была адною з самых нізкіх у годзе для Паўночнага паўшарʼя і адною з самых высокіх для Паўднёвага.
Нягледзячы на назву, колер Месяца ў гэты перыяд не абавязкова чырвоны. Ён залежыць ад становішча над гарызонтам.
Нагадаем, што Лунінецкі райвыканкам плануе паставіць помнік трускаўкам. Мясцовых жыхароў просяць узяць удзел у галасаванні за адзін з двух прапанаваных праектаў скульптуры.
Якуб Хруст belsat.eu
