навіны

Украіна ўвяла санкцыі супраць кіраўніка Беларускага Чырвонага Крыжа

Дзмітрый Шаўцоў на акупаваных украінскіх тэрыторыях. Здымак ад ініцыятывы «BELPOL»
Дзмітрый Шаўцоў на акупаваных украінскіх тэрыторыях. Здымак ад ініцыятывы «BELPOL»
podpis źródła zdjęcia

Прэзідэнт Украіны Уладзімір Зяленскі 10 чэрвеня падпісаў пастанову пра ўвядзенне санкцыяў у дачыненні 46 фізічных і 9 юрыдычных асобаў.

Чытайце таксама:
Кіраўнік Беларускага Чырвонага Крыжа Дзмітрый Шаўцоў. (Фота: sb.by)

«Бюро» распавяло, як кіраўнік Чырвонага Крыжа Шаўцоў за гранты вазіў палюбоўніцу за мяжу

Сярод іншых у санкцыйным спісе – генеральны сакратар Беларускага Чырвонага Крыжа, дэпутат Палаты прадстаўнікоў Дзмітрый Шаўцоў.

Дэпутат раней ездзіў у акупаваныя Лісічанск і Марыупаль, дзе даваў інтэрв’ю расейскім прапагандыстам. На рукаве ў Шаўцова была прыкмечаная нашыўка з літараю «Z» – знак агрэсіі супраць Украіны, і гэта нягледзячы на тое, што адным з базавых прынцыпаў міжнароднага руху Чырвонага Крыжа ёсць нейтральнасць. Шаўцоў таксама прызнаваў, што арганізацыя дапамагала ўладам Аляксандра Лукашэнкі вывозіць украінскіх дзяцей з занятых расейцамі тэрыторыяў. Апроч таго, ён адзначыўся рэзананснымі заявамі аб размешчанай у Беларусі расейскай ядравай зброі.

Міжнародная федэрацыя таварыстваў Чырвонага Крыжа і Чырвонага Паўмесяца паставіла ўльтыматум: або Беларускі Чырвоны Крыж звальняе свайго кіраўніка, або арганізацыю выключаюць з федэрацыі ды пазбавяць фінансавання.

1 снежня 2023 года Міжнародная федэрацыя прыпыніла сяброўства БЧК праз невыкананне патрабавання федэрацыі вызваліць ад пасады Шаўцова. Беларускі Чырвоны Крыж можа быць адноўлены ў правах, як толькі «выканае рашэнне праўлення» і адхіліць генеральнага сакратара ад пасады. У чэрвені 2024 года Шаўцоў трапіў у санкцыйны спіс Еўрапейскага Звязу.

Якуб Хруст belsat.eu

больш па гэтай тэме

Глядзіце больш
Item 1 of 4

апошнія

Item 1 of 10