Польскія памежнікі – пра мяжу з Беларуссю: «Цяжкасцяў няма». У чарзе цяпер 75 аўтобусаў

4 чэрвеня заўважна вырасла чарга ў Берасці на выезд у Польшчу. У Памежнай ахове суседняй краіны растлумачылі «Белсату», што гэта звязана з міграцыйным ціскам: службоўцаў скіроўваюць з пункту пропуску на гэтак званую зялёную мяжу, каб перадухіліць парушэнне мяжы. Цяпер жа, як сцвярджаюць у ведамстве, рух праз Тэрэспаль ідзе без цяжкасцяў. Пры гэтым чарга толькі павялічваецца.