У красавіку колькасць асобаў, афіцыйна занятых у беларускай эканоміцы, скарацілася на 10,4 тысячы ў параўнанні з сакавіком.
Пра гэта сведчаць свежыя звесткі Нацыянальнага статыстычнага камітэту (Белстату), адзначае выданне «Беларусы і рынак».
Паводле дакладу, у красавіку 2025 года краіна мела 4 мільёны 135,8 тысячы занятых грамадзянаў. Упершыню з пачатку года зафіксаваная адмоўная дынаміка – колькасць афіцыйна працаўладкаваных пачала скарачацца.
Тым не менш, калі параўноўваць з аналагічным леташнім перыядам, агульная колькасць занятых у эканоміцы вырасла – на 19,7 тысячы асобаў.
У лютым гэты лік склаў 4 мільёны 141 тысячу асобаў (рост у параўнанні са студзенем 2025-га – на 9400).
На сённяшні дзень у банку вакансіяў налічваецца 208 тысяч пазіцыяў, тут таксама назіраецца рост, гэта на 2 тысячы вакансіяў больш, чым тыдзень таму (станам на 19 траўня).
Нагадаем, што колькасць занятых у беларускай эканоміцы, паводле афіцыйнай статыстыкі, расла з леташняга кастрычніка.
Раман Шавель belsat.eu
