«Свабоду абмяжоўвае нейкі дзядзька». Да чаго прывядзе забарона на мабільнікі ў школах?

Улады паставілі школы, бацькоў і дзяцей перад фактам: з наступнага навучальнага года карыстацца смартфонамі ў навучальных установах будзе забаронена. Такі «мабільны дэтокс» можа быць карысным, але загад спусцілі зверху, ні з кім не абмеркаваўшы. Эксперт у галіне адукацыі Святлана Мацкевіч у размове з «Белсатам» назвала такі прымус праяваю аўтарытарызму і рэгрэсу.