Недалёка ад Мадрыду, у мясцовасці Пасуэлё-дэ-Аляркон, каля ўваходу ў амерыканскую школу, 21 траўня а 9:15 раніцы быў застрэлены былы дарадца колішняга прэзідэнта Украіны Віктара Януковіча Андрэй Партноў.
Паводле іспанскіх медыяў, мужчына, які прывёз у школу сваіх дзяцей, атрымаў чатыры агнястрэльныя раненні ў грудзі і адно – у галаву і загінуў на месцы.
,,«Адзін стрэл, смяротны, быў у галаву, ззаду, на ўзроўні галавы, але пад нахілам, а два іншыя – у цела, у жывот і бок», – паведамілі выданню «El Pais» у службе 112.
Нападнікаў было двое ці трое, яны ўцяклі з месца здарэння. Вядуцца іхныя пошукі. Распачатае расследаванне.
Партнову было 52 гады. Ён займаў пасады дарадцы Януковіча і намесніка кіраўніка Адміністрацыі прэзідэнта ў 2011–2014 гадах. Да гэтага, у 2005–2010 гадах, быў галоўным юрыстам каманды Юліі Цімашэнкі.
Марыя Міхалевіч belsat.eu
