навіны

«Хацеў дапамагчы краіне, якая дапамагла мне». Ва Украіне загінуў беларускі добраахвотнік Аляксей Аўдзей

img
Беларускі добраахвотнік Аляксей Рыжы Аўдзей. Фота: bylukashenka / Telegram
podpis źródła zdjęcia

Беларускі добраахвотніцкі корпус паведаміў пра гібель Аляксея Аўдзея, які абараняў Украіну ад расейскага нападу. «Рыжы загінуў у баі, як таго і хацеў пры жыцці», – адзначаюць паплечнікі ваяра.

«Падчас выканання баявой задачы на купянскім кірунку загінуў наш пабрацім – Рыжы. Эксцэнтрычны, гучны, рэзкі, шчыры, няспынны і адданы сваёй справе. Рыжы загінуў у баі, як таго і хацеў пры жыцці», – паведаміў Беларускі добраахвотніцкі корпус у сваім Telegram-канале.


Аляксею Аўдзею было 26 гадоў. Ён загінуў 16 красавіка, напісала актывістка Ірына Лукашэнка, якая жыве ва Украіне:

,,

«Адважны, нязломны, смелы, самаадданы. Шчыры ва ўсім, што рабіў. Я б нават сказала, радыкальна шчыры. Неймаверна добры. Увасабляў у сабе беларускасць. Умеў кахаць так, як ніхто іншы».


Яна называе ваяра «шалёным Героем»: «Прайшоў дзясяткі баёў на розных кірунках фронту. Рваўся ў бой і ўмела абыходзіў небяспеку. Ці яна яго намагалася абыходзіць».


У 2023 годзе Аляксей Аўдзей стаў героем белсатаўскага праекту «Ваяры». Тады ён расказаў, што пайшоў на вайну, бо «хацелася дапамагчы краіне, якая ў свой час дапамагла яму, прытуліла». Ва Украіну хлопец эміграваў пасля ўдзелу ў пратэстах у Беларусі ў 2020 годзе.


Аўдзей таксама паведаміў, што заўсёды меў пры сабе беларускі нацыянальны сцяг, які браў таксама на баявыя заданні. Казаў, што «некалі мы вернемся на радзіму», і быў упэўнены, што бел-чырвона-белы сцяг залунае паўсюль у Беларусі.


Сцяпан Кубік belsat.eu

больш па гэтай тэме

Глядзіце больш
Item 1 of 4

апошнія

Item 1 of 10