Загінулі дзевяцёра асобаў, сямёра атрымалі раненні, з іх трое ў цяжкім стане.
Пасля ўчорашніх перамоваў пра замірэнне раніцай 17 траўня Расея зноў атакавала тэрыторыю Украіны. Гэтым разам расейцы скарысталі БПЛА-камікадзэ, які каля вёскі Білапілле ў Сумскай вобласці трапіў у аўтобус. Пра гэта паведаміла Сумская абласная вайсковая адміністрацыя.
Украінскі бок падкрэслівае, што ўдар быў нанесены па рэйсавым мікрааўтобусе, які перавозіў звычайных грамадзянаў маршрутам Білапілле – Сумы.
17–18 траўня ў Сумскай вобласці абвешчаныя днямі жалобы.
Паводле Сумскай абласной вайсковай адміністрацыі, цягам содняў, з раніцы 16 траўня да раніцы 17 траўня 2025 года, Расея здзейсніла 85 нападаў на 31 населены пункт у 13 тэрытарыяльных грамадах вобласці. Найбольшая колькасць абстрэлаў зафіксаваная ў Сумскім, Канатопскім і Шосткінскім раёнах.
Тэса Анэйда belsat.eu
