У Інстытуце філасофіі і сацыялогіі Польскай акадэміі навук 15 траўня прэзентавалі кнігу «Абуджэнне Беларусі. Штудыі з фенаменалогіі рэвалюцыі», якую супольна напісалі беларускі і польскі філосафы – Павел Баркоўскі і Анджэй Гняздоўскі. «Калі грамадства цалкам змяняе свае погляды і сваю філасофію, гэта ўжо не спыніць нават самымі жорсткімі рэпрэсіямі», – сцвярджае беларускі суаўтар, філосаф і палітык, выканаўца абавязкаў прадстаўніка ў справе нацыянальнага адраджэння Аб'яднанага пераходнага кабінету Беларусі Павел Баркоўскі. «Белсат» пабываў на прэзентацыі.