21 траўня – Дзень салідарнасці з палітзняволенымі і чацвёртая гадавіна смерці Вітольда Ашурка ў зняволенні. З гэтай нагоды праваабарончы цэнтр «Вясна» і Аб’яднаны пераходны кабінет заклікаюць беларусаў замежжа далучыцца да акцыяў салідарнасці.
«Сёння ў зняволенні застаюцца сотні людзей, у тым ліку цяжка хворыя, пажылыя, бацькі непаўналетніх, людзі з інваліднасцю… Стан многіх – крытычны. Некаторыя былі вызваленыя з цяжкімі дыягназамі, як, напрыклад, Ганна Кандраценка, якая памерла ўжо на волі… Мы памятаем тых, хто загінуў у зняволенні: Вітольда Ашурка, Алеся Пушкіна, Ігара Ледніка, Мікалая Клімовіча і іншых… І 21 траўня, і ў любы іншы дзень мы павінны быць актыўнымі ў сваёй дапамозе і праяўленымі ў сваёй салідарнасці. Запрашаю далучыцца да акцыяў: запальвайце свечкі, пішыце лісты, рабіце публічныя заявы, прыходзьце на мітынгі. Мы не маем права маўчаць», – заявіла Вольга Зазулінская, прадстаўніца ў сацыяльнай палітыцы АПК.
Першая акцыя прайшла 11 траўня ў Бруселі (Бельгія). Расклад іншых акцыяў:
16 траўня
Гаага, Нідэрланды
12:30. Акцыя «Салідарнасць з палітвязнямі ў Беларусі», Het Nutshuis, Riviervismarkt.
18 траўня
Вільня, Літва
З 11:00. Забег «Бяжым за тых, хто не можа» ад Сейму Літвы і пасля мітынг салідарнасці на Кафедральнай плошчы.
Варшава, Польшча
14:00. Акцыя «Шлях да волі праз кайданы» ля помніку Мікалаю Каперніку.
20 траўня
Гданьск, Польшча
18:30. Сустрэча з журналістам Алегам Груздзіловічам. БКТ «Хатка», Miszewskiego 17/307.
21 траўня
Варшава, Польшча
17:00. «Напішы ліст палітвязню» з Андрэем Гнётам і Марынай Касінеравай, Dożynkowa 6a.
18:00. Адкрыццё выставы «Нічога асабліва новага». Музей вольнай Беларусі, Foksal 11.
Беласток, Польшча
18:00. Акцыя ў Skwer Wolnej Białorusi, Elektryczna 7.
Вільня, Літва
19:00. «Вахта святла» каля амбасады Беларусі, Mindaugo g. 13.
22 траўня
Кракаў, Польшча
17:30. «Творчасць за кратамі», адкрыццё выставы і размова. «Прастора», Mikołajska 4/6.
Вільня, Літва
19:00. Прэм'ера спектаклю «Ордэн Белай Мышы». Тэатральная зала «Mroj-hall teatras», Gedimino pr. 28.
Вроцлаў, Польшча
19:00. Падпісанне лістоў салідарнасці беларускім палітзняволеным, Tadeusza Kościuszki 35A.
23 траўня
Познань, Польшча
19:00. Дзень палітвязня: лісты, кінаноч, піца і напоі. Rozbrat, Pułaskiego 21A.
24 траўня
Утрэхт, Нідэрланды
20:00. Вечар «Пяць гадоў барацьбы і рэпрэсіяў у Беларусі». Savannah Bay, Telingstraat 13.
Праваабаронцы заклікаюць ладзіць акцыі ды імпрэзы і ў іншых гарадах ды краінах. Поўны спіс падзеяў будзе даступны па спасылцы.
Якуб Хруст belsat.eu
