13 траўня ў швейцарскім Базэлі прайшоў першы паўфінал 69-га конкурсу «Еўрабачанне-2025». У выніку галасавання публікі былі вызначаныя дзясяцера фіналістаў конкурсу.
Сярод тых, хто выйшаў у фінал, апынуліся суседзі Беларусі: украінскі гурт «Ziferblat» і Юстына Стэчкоўска з Польшчы.
Таксама фіналістамі сталіся выканаўцы з Албаніі, Ісландыі, Нарвегіі, Нідэрландаў, Партугаліі, Сан-Марына, Швецыі і Эстоніі.
Другі паўфінал пройдзе ў канцэртнай зале «Санкт-Якабсгале» ў чацвер, 15 траўня. Фінал «Еўрабачання» адбудзецца ў суботу, 17 траўня. Нагадаем, што напярэдадні фіналу букмекеры называлі фаварытамі конкурсу Швецыю і Аўстрыю. Беларусь у «Еўрабачанні» не бярэ ўдзелу.
Якуб Хруст belsat.eu