На фоне размоваў аб правядзенні перамоваў Расея рыхтуецца да больш маштабнага наступу на Украіну.
Пра гэта заявілі неназваныя прадстаўнікі ўкраінскай выведкі, паведамляе «Financial Times». Пра тое, што варыянт такога развіцця падзеяў магчымы, сведчыць перакідванне расейскіх салдатаў у ключавыя пункты на полі бою.
Паводле ўкраінскага маніторынгавага праекту «DeepState», на гэтым тыдні расейскія войскі захапілі больш тэрыторыі ва ўсходняй частцы Данецкай вобласці, асабліва вакол Пакроўску і Тарэцку.
У той жа час расейскія крыніцы таксама заяўляюць, што Украіна рыхтуе войскі, каб атакаваць Бранскую вобласць Расеі і пасля весці гандаль захопленымі тэрыторыямі падчас перамоваў.
Нагадаем, што перамовы паміж Расеяй і Украінай могуць адбыцца ў Стамбуле 15 траўня, туды ж скіроўваецца група перамоўнікаў з боку ЗША, у яе складзе чакаецца дзяржаўны сакратар Маркаў Руб’ёў, а таксама, паводле выразу Доналда Трампа «іншыя афіцыйныя асобы» і спецпасланнікі амерыканскага прэзідэнта Стыў Ўіткаф і Кіт Келаг. Сам Трамп таксама заяўляў пра свой магчымы ўдзел, але, як паведаміў амерыканскі бок, ён магчымы ў выпадку, калі на перамовы прыляціць Уладзімір Пуцін.
Пакуль Крэмль не пацвярджае ўдзелу расейскага кіраўніка ў перамовах. В Украіне ў той жа час адзначылі, што Уладзімір Зяленскі будзе весці перамовы толькі з Пуціным.
Раман Шавель belsat.eu
