У Расеі, у Ямала-Ненецкай аўтаномнай акрузе, 10 траўня адбыўся пажар на радовішчы «Харампурнефтегаза», дзе праводзіла працы кампанія «Беларуснафта-Сібір». Сталіся вядомыя папярэднія прычыны здарэння.
Ura.ru са спасылкаю на крыніцы ў сілавых структурах піша, што папярэдняю прычынаю пажару на радовішчы сталася ўзгаранне газапаветранай сумесі, якая ўтварылася пры замене свідра. У ГУ МНС паведамілі, што прычыны пажару высвятляюцца.
Следчыя і пракуратуры праводзяць правяранне. Паводле факту траўмавання трох работнікаў , якія цяпер у цяжкім стане, пачатая крымінальная справа.
,,«Работнікі прадпрыемстваў "Харампурнефтегаз", "Везерфорд" і "Беларуснафта-Сібір" абслугоўвалі свідравіну. Працаўнікі парушылі патрабаванні прамысловай бяспекі, у выніку чаго адбылося ўзгаранне свідравіны», – заявілі ў Следчым камітэце.
Пажар на радовішчы пачаўся яшчэ 10 траўня, і да вечары 11-га даць рады з агнём не ўдалося. Буравая вышка абрынулася, там усцяж гарэлі дзве свідравіны, агонь дасягаў 25 метраў. Знішчаная буравая вышка каштуе $ 10–30 млн.
Грамадзянства пацярпелых нафтавікоў не ўдакладняюць. У 2023 годзе, паводле кіраўніка прадпрыемства Дзмітрыя Гузава, там працавалі 1435 беларусаў, а агульны лік работнікаў – 1845.
Якуб Хруст belsat.eu
