Naviny

Зяленскі выставіў Пуціну ўмову для перамоваў: першы крок – гэта спыненне агню

 11.05.2025, 10:27
Уладзімір Зяленскі
Прэзідэнт Украіны Уладзімір Зяленскі бярэ ўдзел у прэс-канферэнцыі падчас пасяджэння «кааліцыі ахвочых» 10 траўня 2025 года ў Кіеве, дзе абмяркоўвалася трывалае спыненне агню. У сустрэчы ўдзельнічалі прэзідэнт Францыі Эманюэль Макрон, прэм'ер-міністры Вялікай Брытаніі і Польшчы Кір Стармэр і Дональд Туск, а таксама новы канцлер Нямеччыны Фрыдрых Мэрц. Фота: Віталя Носача / Global Images Ukraine праз Getty Images

Прэзідэнт Украіны Уладзімір Зяленскі адказаў на заяву прэзідэнта Расеі Уладзіміра Пуціна аб тым, што Расея адмаўляецца ад спынення агню, але гатовая да наўпроставых перамоваў з Украінай у Стамбуле. Паводле Зяленскага, спачатку ўсё ж трэба спыніць агонь, вынікае з паведамлення ў ягоным тэлеграм-канале.