навіны

«Polityka»: пасля Шры-Ланкі Анжаліка Мельнікава накіравалася ў Дубай

Анжаліка Мельнікава. Фота: Зеркало
Анжаліка Мельнікава. Фота: Зеркало
podpis źródła zdjęcia

З’явіліся новыя звесткі пра перамяшчэнні зніклай спікеркі Каардынацыйнай Рады Анжалікі Мельнікавай. Паводле расследавання выдання «Polityka», напрыканцы лютага яна вылецела з Лондана на Шры-Ланку, а ўжо праз тыдзень – у Дубай.

Анжаліка Мельнікава ў Лондане, Вялікая Брытанія. 27 снежня 2024 года. Фота: Anzhelika Melnikova / Facebook
На Шры-Ланку паляцела з дзецьмі, затым лятала яшчэ: расследавальнік пра Мельнікаву навіны

Выданне паведамляе, што 28 лютага Мельнікава разам з дочкамі перасекла мяжу Шры-Ланкі. Падчас яе знаходжання ў краіне адбыўся адзіны буйны фінансавы перавод з рахунку фонду, якім яна кіравала.

Выданне падкрэслівае, што не можа сцвярджаць, зрабіла гэта Анжаліка добраахвотна ці пад прымусам.

«Нам не вядома, ці знаходзілася яна пад кантролем беларускіх ці расейскіх спецслужбаў, калі была ва Унаватуне. Аднак вядома, што ў яе атачэнні з’явіўся мужчына, які прадставіўся беларусам. Пры гэтым Анжаліка не спяшалася расказваць калегам па апазіцыі пра гэтае знаёмства», – піша «Polityka».

Нагадаем, што ў эфіры «Белсату» 8 траўня суаўтар расследавання пра Мельнікаву Цімур Алеўскі паведамляў, што рассследавальнікам вядома, куды перамяшчалася жанчына пасля Шры-Ланкі, але на той момант ён адмовіўся дакладна казаць, куды адбываўся пералёт, бо гэта, маўляў, магло нашкодзіць самой Мельнікавай.

Паводле расследавання «Polityka», Анжаліка Мельнікава з Лондану паляцела на Шры-Ланку. Выданне спасылалася на дзве незалежныя адна ад адной крыніцы. «Polityka» піша, што гэта быў не першы візіт Мельнікавай на Шры-Ланку: маўляў, там яна праводзіла час у кампаніі спартоўца з Беларусі. Са спасылкай на сяброўку Мельнікавай, якая пажадала застацца ананімнай, паведамляецца, што Мельнікава казала, што закаханая ў яго, паказвала фота і заручальны пярсцёнак.

«Polityka» вылучае версію, што невядомы беларус мог быць агентам КДБ, які вывез Анжаліку са Шры-Ланкі ў Беларусь. Што да грашовага пытання, у артыкуле фігуруе сума 118 тысяч еўраў, якая нібыта была знятая з рахунку фонду, якім кіравала Мельнікава.

Раман Шавель belsat.eu

больш па гэтай тэме

Глядзіце больш
Item 1 of 4

апошнія

Item 1 of 10