навіны

Затрымалі брата палітвязня Ігара Лосіка. Рэпрэсіі 9 траўня

img
Мікіта Лосік – брат палітвязня Ігара Лосіка. Фота: Вясна / Telegram
podpis źródła zdjęcia

У Беларусі без месяца пяць гадоў трываюць маштабныя палітычныя рэпрэсіі: амаль штодня з’яўляюцца навіны пра затрыманні, суды і новыя формы рэпрэсіяў. Нават 9 траўня з’явілася навіна пра чарговае затрыманне і звесткі пра ціск на палітвязняў.

Бацькі абдымаюць Антона Роса. Скрыншот: youtube.com/news.by_btrc
«Я прызямліўся ў раі». Хворы амерыканец, які нелегальна трапіў у Беларусь, вярнуўся дадому навіны

Фонд «Краіна для жыцця» паведаміў ранкам 9 траўня пра імавернае затрыманне 25-гадовага Мікіты Лосіка, брата зняволенага блогера і журналіста Ігара Лосіка. Паводле непацверджанай інфармацыі фонду, затрыманне адбылося яшчэ ў сярэдзіне красавіка. Крыніцы радыё «Свабода» пацвердзілі затрыманне і расказалі, што Мікіту трымаюць у Віцебскім следчым ізалятары, супраць яго распачалі крымінальную справу – вінавацяць у «спрыянні экстрэмісцкай дзейнасці» праз перасыланне фота перасоўвання расейскай вайсковай тэхнікі праекту «Беларускі Гаюн». 


«Гомельская Вясна» адзначае, што ў Беларусі ўсё часцей пераследуюць за «спрыянне экстрэмісцкай дзейнасці». У некаторых выпадках не існуе нават доказаў сувязі падазраванага з названымі «экстрэмістамі», але сілавікам дастаткова адно падазрэння. Праваабаронцам вядома ўжо пра 254 асуджаных менавіта за «спрыянне экстрэмісцкай дзейнасці».

Пажар у Мазырскім раёне, Беларусь. 16 студзеня 2020 года. Здымак мае ілюстрацыйны характар. Фота: Mchs.gov.by
У Беларусі рэзка вырасла колькасць пажараў. Вінаваты не столькі клімат, колькі алкаголь навіны

Пакуль адных садзяць, іншых вызваляюць: 7 траўня ўлады абвясцілі пра памілаванне 42 палітычных вязняў («асуджаных за злачынствы экстрэмісцкай скіраванасці»). Асобна падкрэслілі, што «ўсе яны хадайнічалі пра памілаванне, прызналі віну і раскаяліся ў зробленым». Выглядае, «прызнанне віны» і «прашэнне аб памілаванні» – вельмі важныя для сілавікоў умовы, хоць, як паказвае практыка, і не абавязковыя: за адмову могуць пакараць, але могуць і вызваліць тых, хто адмаўляецца.


Паводле звестак праваабарончага цэнтру «Вясна», палітвязням адной з калоніяў нядаўна пачалі прапаноўваць пісаць «прашэнні аб памілаванні». Як адзначаюць праваабаронцы, раней такіх прапановаў у калоніі не было некалькі месяцаў, усё змянілася з пачатку мінулага тыдня. 


На момант публікацыі ў спісе палітвязняў на сайце «Вясны» – 1176 чалавек. Але спіс відавочна няпоўны: праваабаронцы правяраюць кожную справу і не паспяваюць за рэпрэсіўным апаратам, а некаторыя сваякі зняволеных не хочуць статусу палітвязня для сваіх блізкіх, бо баяцца дадатковых рэпрэсіяў супраць іх і сябе.


Алесь Наваборскі belsat.eu 

больш па гэтай тэме

Глядзіце больш
Item 1 of 4

апошнія

Item 1 of 10