Канклаў у Ватыкане абраў 267-м Папам Рымскім Робэрта Фрэнсіса Прэваста з ЗША, піша «Vatican News».
Робэрт Фрэнсіс Прэваст узяў сабе імя Леў XIV.
,,«Я абвяшчаю вам вялікую радасць: у нас ёсць Папа!», – сказаў з цэнтральнай лоджыі базілікі Св. Пятра кардынал-протадыякан Дамінік Мамберці.
Робэрту Фрэнсісу Прэвасту 69 гадоў. Гэта першы Папа Рымскі з ЗША.
У 2023 годзе Папа Францішак зрабіў Робэрта Фрэнсіса Прэваста сваім кардыналам, а таксама прызначыў кіраўніком дыкастэрыі ў справах біскупаў. Гэтая пасада лічыцца вельмі важнай, паколькі чалавек на ёй адказвае за выбар новых біскупаў. Прызначэнне ў тым ліку было ўспрынятае як набліжанасць цяперашняга Папы да Папы Францішка.
Верагодна, Леў XIV таксама блізкі і ў поглядах да Францішка. У прыватнасці, ён падтрымаў Францішка ў пытанні допуску разведзеных і паўторна жанатых каталікоў да Святой Камуніі, а таксама падтрымліваў ініцыятыву Францішка дазволіць аднаполым парам атрымліваць благаславенне.
Арсен Рудэнка belsat.eu
