Фонд салідарнасці «BYSOL» абвясціў збор сродкаў на падтрыманне Яны Стасяловіч – беларускі, якая з падлеткавага веку жыве з наступствамі гвалту з боку сілавікоў.
Яну Стасяловіч збілі сілавікі ў 2017-м, калі ёй было 16 гадоў. Дзяўчыну затрымалі ў аўтобусе пасля мірнай акцыі. У выніку – чэрапна-мазгавая траўма, эпілепсія, трывожныя разлады. Пазней, падчас пратэстаў 2020 года, у яе здарыўся канверсійны разлад – псіхалагічная траўма выклікала параліч, страту зроку і мовы.
У 2022 годзе Яна эмігравала ў Польшчу з меркаванняў бяспекі. З мужам яна разжанілася, начавала на дварэ, пасля паспрабавала наркатычныя рэчывы – спроба ўцячы ад невыноснага болю.
Цяпер Яна ў працэсе аднаўлення: праходзіць тэрапію, ходзіць на групы ананімных наркаманаў, наведвае псіхолага.
Фонд «BYSOL» адкрыў мэтавы збор на € 2440. Увесь бюджэт разлічаны і празрысты:
• € 1530 – пагашэнне даўгоў за арэнду і камунальныя паслугі (каб не апынуцца на дварэ);
• € 200 – аплата судовага штрафу;
• € 510 – аплата сеансаў псіхатэрапіі (на 3 месяцы).
«Я не апраўдваюся. Я ведаю, што залежнасць – гэта хвароба. Мне проста трэба крыху падтрымкі, каб не страціць шанцу. Дзякуй кожнаму, хто адгукнецца», – звяртаецца Яна.
Надзея Вольная belsat.eu
