Старшыня Кітайскай Народнай Рэспублікі Сі Цзінь Пін адправіцца ў Расею з трохдзённым дзяржаўным візітам і возьме ўдзел ва ўрачыстасцях з нагоды 9 траўня. Пра гэта паведаміў МЗС Кітаю.
«На запрашэнне прэзідэнта Расейскай Федэрацыі Уладзіміра Пуціна Старшыня КНР Сі Цзінь Пін наведае Расею з дзяржаўным візітам з 7 да 10 траўня і возьме ўдзел ва ўрачыстасцях з нагоды 80-й гадавіны Перамогі ў Вялікай Айчыннай вайне ў Маскве», – гаворыцца ў паведамленні МЗС Кітаю.
На парад таксама прыедзе Аляксандр Лукашэнка, прэзідэнт Казахстану Касым-Жамарт Такаеў і іншыя кіраўнікі краінаў ЕАЭЗ.
Акрамя таго, планавалі прыбыць прэзідэнт Сербіі Александар Вучыч і прэм'ер-міністр Славаччыны Робэрт Фіца, аднак пазней зʼявіліся паведамленні пра тое, што яны захварэлі. Фіца заявіў, што гэта не перашкодзіць яму прыехаць.
Таксама маюць намер быць прэзідэнт Бразіліі Луіс Інасіу Лула да Сіўва, прэзідэнт Кубы Мігель Дыяс-Канэль і прэзідэнт Вʼетнаму То Лам.
Арсен Рудэнка belsat.eu
