навіны

Расея атакавала Украіну 149 беспілотнікамі. Трэцюю ноч запар пад абстрэлам – Паўладар

img
Наступствы ўдару беспілотніка па жылым доме ў Паўладары, Украіна. 27 красавіка 2025 года. Фота: dnipropetrovskaODA / Telegram
podpis źródła zdjęcia

У выніку начной атакі расейскіх вайскоўцаў пацярпелі Жытомірская, Днепрапятроўская, Адэская, Данецкая, Сумская і Чаркаская вобласці Украіны. З 149 беспілотнікаў былі збітыя 57.

Паветраныя сілы ЗСУ паведамілі, што ў ноч на нядзелю Украіну атакавалі 149 беспілотнікамі розных відаў:


«Паветраны напад праціўніка адбівалі авіяцыя, зенітныя ракетныя фармаванні, сродкі РЭБ і мабільныя агнявыя групы сілаў абароны».


57 ударных дронаў былі збітыя, 67 беспілотнікаў-імітатараў – «лакацыйна страчаныя без негатыўных наступстваў»:


«У выніку варожай атакі пацярпелі Жытомірская, Днепрапятроўская, Адэская, Данецкая, Сумская і Чаркаская вобласці».


На Днепрапятроўшчыне трэцюю ноч запар атакавалі Паўладар, там загінуў адзін мужчына, пацярпела 14-гадовая дзяўчына. Акрамя таго, у рэгіёне, паводле кіраўніка абласной адміністрацыі Сяргея Лысака, былі пашкоджаныя жылыя дамы, прадпрыемствы, крамы.

Ратавальнікі на месцы пажару, што пачаўся пасля ўдару расейскіх беспілотнікаў. Жытомір, Украіна. 27 красавіка 2025 года. Фота: DSNS.GOV.UA / Facebook
Ратавальнікі на месцы пажару, што пачаўся пасля ўдару расейскіх беспілотнікаў. Жытомір, Украіна. 27 красавіка 2025 года. Фота: DSNS.GOV.UA / Facebook

У Жытоміры, як паведамілі ратавальнікі, у выніку абстрэлу пачаліся пажары: загарэўся будынак складу і трава. Былі пашкоджаныя жылыя дамы, гаспадарчыя пабудовы, транспарт. Пацярпела адна асоба, здарылася вострая рэакцыя на стрэс.


У Сумскай вобласці беспілотнікі атакавалі жылыя прыватныя і шматкватэрныя дамы. Пацярпела 85-гадовая жанчына.


У Адэскім раёне праз удар дронаў быў пашкоджаны трохпавярховы жылы дом і аўтамабілі. Пацярпела 35-гадовая жанчына, яе шпіталізавалі, паведаміла абласная пракуратура.


Сцяпан Кубік belsat.eu

больш па гэтай тэме Глядзіце больш
Item 1 of 4
апошнія
Item 1 of 10