навіны

Беларусы рыхтуюцца да прыезду мігрантаў

Рабочыя працуюць на жалезнай фабрыцы ў Лахоры, Пакістан. 30 красавіка 2024 года. Здымак мае ілюстрацыйны характар. Фота: Arif Ali / AFP / East News
Рабочыя працуюць на жалезнай фабрыцы ў Лахоры, Пакістан. 30 красавіка 2024 года. Здымак мае ілюстрацыйны характар. Фота: Arif Ali / AFP / East News
podpis źródła zdjęcia

Жорсткая бойка адбылася ў Гомлі. На відэа адзін замежнік збівае другога, пры гэтым яшчэ адзін мужчына ляжыць на зямлі як быццам без прытомнасці. Міліцыянеры з’яўляюцца напрыканцы відэа, калі нападнік ужо не атакуе.


Афіцыйна МУС тлумачэнняў не даваў. Аднак набліжаны да сілавікоў тэлеграм-канал заявіў, што «дэбош учынілі два студэнты-мараканцы наконт дзяўчыны». А вось у крыніцы, дзе з’явілася відэа бойкі, выказалі думку, што пабіліся пакістанцы.

Між тым у сацсетках набірае папулярнасць новы трэнд. Беларускі выказваюць асцярогі з нагоды анансаванага Лукашэнкам прыезду ў Беларусь 150 тысячаў працоўных мігрантаў з Пакістану.

Прапагандысты кінуліся абвяргаць наяўнасць пагрозы з боку пакістанцаў. Вінавацяць саміх беларусаў.


Рэзанансная заява Лукашэнкі аб прыездзе ў Беларусь працоўных мігрантаў прагучала 11 красавіка на сустрэчы з прэм'ер-міністрам Пакістану.


«Няхай гэта будуць 100-150 тысяч такіх адмыслоўцаў, мы готовыя прыняць іх у Беларусі і стварыць неабходныя умовы для працы», – сказаў ён.


Як канкрэтна будзе выглядаць прыезд у Беларусь вялікай колькасці мігрантаў, дагэтуль незразумела.


,,

«Ў Беларусі зʼяўляецца новая этнічная меншасць якая складаецца з людзей абсалютна іншай культуры абсалютна іншай рэлігіі, вядомыя ўсе стэрэатыпы, як часам паводзяць сябе мужчыны маладыя з гэтай культуры і ў еўрапейскіх кріанах», – каментуе сітуацыю Аляксандр Атрошчанкаў, сузаснавальнік Reform.news, вядоўца праграмы «Саша, что ты несёшь?!»


Зрэшты, прапагандысты свой рэцэпт мірнага суіснавання беларусаў і мігрантаў з Пакістану ўжо вынайшлі.


«Прыляцелі, у аўтобус у інтэрнат, там ахова, ў кожнага прадпрыемства ёсць інтэрнат. Адпраўляюць цябе арганізавана на працу, адпрацавалі, мала перасякаемся з мясцовым насельніцтвам», – дае парады прапагандыст Грыгорый Азаронак.

Іншыя прадстаўнікі рэжыму ўвогуле прадказваюць, што прыезд пакістанцаў... павысіць эфектыўнасць працы саміх беларусаў.


«Прапаганда проста дэманструе сваё сапараўднае стаўленне да беларусаў якіх яна лічыць сваёй уласнасцю у лепшым выпадку проста працоўнай сілай», – кажа Аляксандр Атрошчанкаў.


Цяпер у беларускай службе занятасці ёсць каля двухсот тысячаў вакансій.


Пры гэтым цягам апошніх пяці гадоў у выніку палітычнага пераследу нашую краіну, паводле розных ацэнак, пакінулі ад двухсот да шасцісот тысяч беларусаў.




Ян Федаровіч belsat.eu

больш па гэтай тэме Глядзіце больш
Item 1 of 4
апошнія
Item 1 of 10