навіны

«На слыху няма такога». У беларускай міліцыі распавялі, ці шукаюць Анжэліку Мельнікаву

Анжаліка Мельнікава
Анжаліка Мельнікава на сустрэчы з дэпутатамі Бундэстагу. Берлін, Нямеччына. 15 кастрычніка 2024 года. Фота: Офіс Святланы Ціханоўскай
podpis źródła zdjęcia

У Нясвіжскай міліцыі няма «на слыху» інфармацыі пра пошукі зніклай спікеркі Каардынацыйнай рады Анжалікі Мельнікавай. «Белсат» пад выглядам ейнай знаёмай спытаў, ці ёсць заява пра знікненне Мельнікавай і чаму яе не шукаюць.

Участковы інспектар міліцыі Раман Гнядзько распавёў, што, калі кагосьці няма так доўга, як Анжалікі Мельнікавай, то дакладна можна афіцыйна шукаць – трэба толькі асабіста напісаць заяву. Удакладняем, ці чуў ён пра знікненне Мельнікавай.


«Не чуў», – кажа Раман Гнядзько.


Калі б мы хацелі падаць заяву аб знікненні, то яе б не прынялі. Гэта могуць зрабіць толькі блізкія сваякі, дадае суразмоўца.

,,

«Я наогул не ў курсе гэтай сітуацыі наконт вашай Анжалікі Мельнікавай. Вы задайце сваякам пытанне, чаму яны яе не шукаюць. Калі месяц прайшоў, пара яе шукаць», – кажа Гнядзько.


Удакладняем: можа, усё ж такі заява пададзеная?


«Не магу вам сказаць [чаму яе не шукаюць]. У мяне на слыху няма такога», – адзначае ўчастковы.


Маці Анжалікі адмовілася размаўляць з журналістамі, таму задаць пытанне пра ейныя пошукі не ўдалося.


Анжаліка Мельнікава не выходзіць на сувязь з 25 сакавіка. Яе былы муж Андрэй выехаў у Беларусь.


Дэпартамент у справах арганізаванай злачыннасці і карупцыі Нацыянальнай пракуратуры Польшчы 16 красавіка распачаў следства з нагоды знікнення Мельнікавай. Як паведамілі «Белсату» ў ведамстве, заведзеная крымінальная справа.


Паводле інфармацыі кіраўніка ініцыятывы «By_Help» Аляксея Лявончыка, Мельнікава пасля прылёту ў Лондан амаль адразу пакінула сталіцу Вялікай Брытаніі і паляцела ў іншую краіну. Але невядома дакладна, дзе яна.


Дар'я Форман, Арсен Рудэнка belsat.eu

больш па гэтай тэме Глядзіце больш
Item 1 of 4
апошнія
Item 1 of 10