15–16 красавіка ў Анкары (Турцыя) адбудуцца перамовы паміж прадстаўнікамі Украіны і Расеі.
Прадметам абмеркавання будзе бяспека суднаходства ў Чорным моры, паведамляе «CNN Turk» са спасылкай на крыніцы ў Міністэрстве абароны Турцыі.
,,«Крыніцы ў Міністэрстве нацыянальнай абароны паведамілі, што расейскія і ўкраінскія афіцыйныя асобы сустрэнуцца ў камандаванні ПМС у Анкары 15–16 красавіка наконт пытанняў бяспекі ў Чорным моры», – адзначаецца ў паведамленні.
Нагадаем, што 25 сакавіка ў Саудаўскай Аравіі адбыліся перамовы паміж ЗША і РФ, падчас якіх у тым ліку абмяркоўвалася спыненне агню ў Чорным моры, але Расейская Федэрацыя выставіла шэраг новых патрабаванняў, у ты ліку наконт адмены некаторых санкцыяў.
Пры гэтым варта адзначыць, што Украіна са свайго боку выказала згоду на прапанову Доналда Трампа пра спыненне агню, пагадзіўшыся пазней таксама і на планы замірэння на моры.
Раман Шавель belsat.eu
