12 красавіка ўзровень гранічных максімальных рознічных цэнаў на маторнае паліва на АЗС Беларусі змяняецца на 2 капейкі. Пра гэта паведамілі ў дзяржаўным канцэрне «Белнафтахім»
Кошт аўтамабільнага бензіну АІ-92-К5-Еўра складзе 2,44 руб., АІ-95-К5-Еўра – 2,54 руб., АІ-98-К5-Еўра – 2,76 руб., дызельнага паліва – 2,54 руб.
Раней «Белнафтахім» паведамляў, што паступова павысіць цэны на паліва на 16 капеек за літр. Падаражэнне запланаванае кожныя два тыдні. Першае было 15 сакавіка.
Гандлёвая вайна прэзідэнта ЗША ўсё больш выразна даецца ў знакі: падаюць фондавыя рынкі, таннее нафта, узнікла пагроза сусветнай рэцэсіі. У рынкавых эканоміках праз гэта чакаецца зніжэнне коштаў бензіну пасля патаннення нафты. У рынкавых эканоміках гэта наўпроставая залежнасць, аднак не ў Беларусі.
Якуб Хруст belsat.eu
