Віцебская вобласць падыме кошт праезду ў грамадскім транспарце. Такім чынам яна далучыцца да іншых рэгіёнаў Беларусі, дзе цэны на праезд ужо выраслі.
11 красавіка ў Нацыянальным рэестры прававых актаў было зарэгістраванае рашэнне Віцебскага аблвыканкаму № 252 ад 31 сакавіка «Аб тарыфах на гарадскія перавозкі пасажыраў і ручной паклажы ўсімі відамі транспарту ў рэгулярных зносінах».
Сам дакумент пакуль не апублікаваны, таму дакладны памер змены тарыфаў не вядомы, аднак кошт адной паездкі павялічыцца найхутчэй на 10 капеек. Акрамя таго, зменяцца цэны на праязныя білеты, адзначае Reform.news.
1 красавіка ў Віцебску і Воршы падаражэў таксама праезд у маршрутках, паведамляе Orsha.eu.
У канцы сакавіка на 10 капеек быў павышаны кошт праезду на Магілёўшчыне і Меншчыне. 4 красавіка былі апублікаваныя рашэнні аб павышэнні тарыфаў на праезд у грамадскім транспарце ў Менску, на Берасцейшчыне і Гарадзеншчыне.
Якуб Хруст belsat.eu
