Паводле крыніцаў «Белсату», Павел Юхневіч выйшаў на волю з Івацэвіцкай папраўчай калоніі № 22 пасля адбыцця 5-гадовага зняволення.
Павел Юхневіч цалкам адбыў пакаранне. Вядома, што ў калоніі ён пабраўся шлюбам, паведамляюць крыніцы «Белсату». Паўтара года Юхневіч мусіць заставацца пад наглядам.
Паўла Юхневіча абвінавацілі ва ўдзеле ў масавых закалотах паводле ч. 2 арт. 293 Крымінальнага кодэксу Беларусі. Яго затрымалі 25 верасня 2020-га, сілавікі са зброяй уварваліся ў кватэру праз вакно і дзверы. У кватэры разам з ім былі сябры Ягор Літвінка, Андрэй Войніч і Наста Кірык.
25 траўня 2021 года Магілёўскі абласны суд пакараў Паўла зняволеннем на 5 гадоў. Судзілі яго разам з Паўлам Севярынцам, Змітром Казловым, Яўгенам Афнагелем, Максімам Вінярскім, Андрэем Войнічам і Ірынаю Шчаснаю.
Павел – знаны актывіст, сябра «Еўрапейскай Беларусі», у дэмакратычным руху – з ранняй маладосці, быў сябрам руху «Зубр».
Любоў Лунёва belsat.eu
