Спецслужбы ладзяць новую рассылку ў чатах, гэтым разам – з апытаннямі для студэнтаў. Будзьце пільныя!
У чатах беларусаў замежжа з’явілася апытанне для студэнтаў, «важнае для даследчай работы», які дасылае акаўнт з нікам @linga017 (ID 6288192255). Гэтае апытанне мімікруе пад апытанне ад Аб'яднананага пераходнага кабінету, але ў ім зусім іншыя пытанні, заўважыла «Наша Ніва».
Невядомы акаўнт прыкрываецца імем Маргарыты Ворыхавай (прадстаўніцы Святланы Ціханоўскай у справах моладзі) і збірае e-mail, звесткі пра век, месца жыхарства і род заняткаў.
Хутчэй за ўсё, за атакаю стаяць спецслужбы Беларусі, бо гэты ж акаўнт ужо быў заўважаны ў фэйкавай рассылцы два гады таму, а летась ён публікаваў TikTok з агітацыяй за Лукашэнку.
Будзьце ўважлівыя і праходзьце апытанні толькі ў правераных групах у сацыяльных сетках.
Тэса Анэйда / belsat.eu
