Мінулая ноч у Беларусі была самая халодная за апошнія 62 гады, а месяц таму здарыўся самы спякотны дзень.
Ноч на 9 красавіка апынулася рэкордна халоднаю для Беларус: у Клічаве (Магілёўская вобласць) слупок апусціўся да -11,5 °С.
Мінулы рэкорд быў зафіксаваны ў Верхнядзвінску 9 красавіка 1963 года, калі ўначы тэмпература апусцілася да -10,7 °С, вынікае з архіўных звестак «Белгідрамету».
Усё гэта ўдвая дзіўна з улікам таго, што 10 сакавіка ў Беларусі зафіксавалі тэмпературны рэкорд за ўсю гісторыю метэаназіранняў: +20,3 °С у Драгічыне.
Пры гэтым да рэкорднага холаду Беларусь сёлета не дабралася. У студзені 1940 года тэмпература апусцілася да -42,2 °С у Слаўным Талачынскага раёну.
Тэса Анэйда / belsat.eu
