Гомельская група прыхільнікаў Аляксандра Лукашэнкі мелася правесці ў людным месцы на вуліцы Мазурава «патрыятычны аўтафлэш-моб», але атрымала дазвол на акцыю толькі на ўскрайку Гомля.
Акцыя пройдзе 23 красавіка на закрытай тэрыторыі вучэбна-трэніровачнага палігону МНС на вуліцы Аб'язной на ўскраіне гораду, піша «Флагшток».
Удзельнікі хочуць паставіць свае аўтамабілі ў фігуру ў выглядзе медаля «Герой Савецкага Саюзу», зняць карцінку з дрона і прысвяціць гэтую акцыю «80-годдзю з Дня Перамогі савецкага народу ў Вялікай Айчыннай вайне».
Нагадаем, што гомельская група чыноўнікаў і прыхільнікаў Аляксандра Лукашэнкі хацела правесці ў абласным цэнтры 24 красавіка аўтамабільны флэш-моб да 80-годдзя перамогі. Аднак 2 красавіка стала вядома, што акцыю адмяняюць «праз адсутнасць фінансавання» – кошт аховы правапарадку на час правядзення акцыі стаўся задарагім для арганізатараў.
Якуб Хруст belsat.eu
