Надоечы ў Беларусі са спісу тавараў, на якія дзяржава рэгулявала цэны, выкраслілі 120 пазіцыяў. «Office Life» склаў поўны спіс тавараў, кошт якіх зараз будзе фармавацца свабодна.
Другога красавіка беларускі ўрад падпісаў шостую рэдакцыю пастановы № 713, якая прадугледжвае карэкціроўку сістэмы рэгулявання цэнаў. Пералік скарацілі з 331 да 211 пазіцыяў. Якія тавары выкраслілі?
Мясныя прадукты:
• катлеты мясныя,
• піражкі, блінчыкі, чабурэкі, беляшы, галубцы з мясам,
• сала (шпік), у тым ліку салёнае,
• вэнджаніна са свініны, мяса птушкі,
• кансервы мясныя і расліннае мяса,
• сыравэнджаныя і сыравяленыя каўбасы.
Прадукты з рыбы:
• рыба вэнджаная, за выключэннем ласасёвых, асятровых, тунцовых пародаў,
• крабавыя палачкі (крабавае мяса),
• паўфабрыкаты рыбныя (катлеты, рыбныя палачкі, фарш, бургеры).
Малочныя прадукты і сыры:
• цэльнае каровіна малако,
• вяршкі з каровінага малака,
• тварожны крэм, дэсерт, пудынг, паста,
• паўфабрыкаты з тварагу (варэнікі, блінчыкі),
• сыр цвёрды, паўцвёрды,
• сыр мяккі, улучна з тварожным,
• сыр плаўлены,
• сыр расольны,
• масла і тлушчы,
• тлушч жывёльны,
• таплёнае і шакаладнае масла,
• мёд натуральны,
• марская і гімалайская соль.
Хлеб:
• сухары, сушкі, баранкі.
Крупы:
• рыс жасмін і басмаці,
• шматкі кукурузныя,
• гарох,
• мюслі, іншыя сухія сняданкі з розных крупаў,
• макарона хуткага прыгатавання.
Кандытарскія вырабы:
• торты,
• пірожныя,
• халва,
• дражэ,
• дыетычныя і дыябетычныя цукровыя кандытарскія вырабы,
• какава-парашок.
Гародніна:
• баклажаны свежыя,
• цыбуля зялёная, кроп, пятрушка,
• салаты, салатныя сумесі свежыя,
• радыска,
• гародніна і сумесі з гародніны замарожаныя,
• агуркі, таматы салёныя, капуста квашаная.
Садавіна:
• ківі свежыя,
• персікі і нектарыны свежыя,
• хурма свежая,
• фрукты, ягады і фруктова-ягадныя сумесі замарожаныя,
• арэхі і сухафрукты,
• кансервы,
• садавіна кансерваваная,
• сочыва, джэм, павідла, канфіцюр з фруктаў (ягадаў).
Напоі:
• напоі безалкагольныя,
• мінеральная і пітная вада ў шкляных бутэльках і бляшанках,
• квас.
Іншыя харчовыя тавары:
• маянэз і соўсы на аснове маянэзу,
• гарчыца харчовая,
• чыпсы бульбяныя,
• соўс таматны, кетчуп.
Вопратка:
• галаўныя ўборы летнія (шляпа, кепка, бейсболка).
Мэбля і дываны:
• стол кухонны, абедзенны, пісьмовы, камп’ютарны,
• крэсла, табурэт,
• набор корпуснай мэблі,
• набор мяккай мэблі,
• мэбля для вітальні, гарнітур для вітальні,
• мэбля (набор мэблі) для ваннага пакою,
• мэбля (набор мэблі) для спальні,
• дыван,
• дарожка дывановая,
• тэкстыль,
• коўдра (плед) шарсцяная, паўшарсцяная,
• коўдра прашываная (ватная ці з іншымі напаўняльнікамі),
• пакрывала,
• абрус, шторы, фіранкі, парцьеры,
• жалюзі, ральшторы тканінавыя,
• палатно гардзіннае цюлевае з сінтэтычных нітак.
Посуд:
• талеркі, наборы талерак,
• сервіз для гарбаты, кававы, сталовы,
• кубак, шклянка,
• рондаль,
• прыборы сталовыя з нержавейнай сталі (відэлец, лыжка, нож),
• патэльня.
Электратавары:
• электрычныя лямпы напальвання, святлодыёдныя, энергазберагальныя,
• робат-пыласос,
• камбайн кухонны побытавы,
• машына пасудамыечная побытавая,
• жырандоль электрычная, свяцільнікі для столі, бра, таршэры, настольныя лямпы,
• сокавыціскалка электрычная,
• мультыварка электрычная,
• варачная панэль,
• духавая шафа электрычная побытавая,
• радыятар побытавы электрычны,
• дрыль электрычны,
• трымер (газонакасілка),
• разетка электрычная,
• падаўжальнік,
• брытва электрычная,
• тэлевізар,
• музычныя цэнтр (міні-сістэма).
Будаўнічыя матэрыялы:
• піламатэрыялы абразныя і неабразныя,
• металапрадукцыя, акрамя сеткі-рабіцы,
• панэлі (пліты) для абліцоўвання і аздаблення столі, падлогі, сценаў з полівінілхларыду,
• будаўнічыя дэталі і канструкцыі з полівінілхларыду, алюмінію, у тым ліку дзвярныя блокі, падаконнікі, ліштвы,
• будаўнічыя дэталі і канструкцыі з дрэва, шпону, дробнадысперснай фракцыі.
Галантарэя:
• пальчаткі з натуральнай скуры,
• торба са штучнай скуры,
• торба з натуральнай скуры,
• рэмень паясны з натуральнай ці штучнай скуры,
• гальштук мужчынскі,
• парасон.
Транспарт:
• матацыкл, скутар, мотаролер.
Побытавая хімія:
• крэм для абутку,
• фарба для падлогі і іншая,
• мыйныя сродкі для догляду аўтамабіля (шампунь, пена).
Гаспадарчыя тавары:
• тавары гаспадарчыя з пластмасы, у тым ліку латкі, вёдры, каністры і іншае,
• тавары гаспадарчыя з металу, у тым ліку вёдры, каляскі, шашлычніцы і іншае,
• карнізы,
• вырабы замочна-скабяныя, у тым ліку замкі, засаўкі, спружыны і іншае,
• інструменты музычныя,
• апарат тэлефонны,
• тавары для фізкультуры і спорту,
• тавары для турызму,
• глебагрунт,
• машына швейная побытавая,
• інструменты слясарна-мантажныя, дрэваапрацоўчыя, тынкавальныя, рамонтныя і будаўнічыя,
• рыдлёўка, граблі,
• пакет поліэтыленавы,
• лічыльнік спажывання вады.
Парфумерыя і касметыка:
• крэмы для асобы, рук і ног,
• дэзадарант,
• брытвенны станок аднаразовы, набор станкоў,
• пена, гель для галення,
• шчотка зубная,
• туалетная вада,
• губная памада,
• пена для ваннаў, гель для душа,
• лак для пазногцяў,
• лак для валасоў,
• фарба, крэм-фарба для валасоў.
Сістэма рэгулявання цэнаў была ўведзеная Аляксандрам Лукашэнкам у 2022 годзе.
Паводле новай рэдакцыі ўказу, для спісу тавараў, на якія распаўсюджваецца дзяржаўнае рэгуляванне цэнаў, улады вызначаць максімальную норму рэнтабельнасці. Калі вытворцы будуць яе прытрымлівацца, ім не трэба будзе ўзгадняць цэнаў з дзяржаўнымі органамі. Акрамя таго, уводзіцца адзіная гандлёвая надбаўка на імпартную прадукцыю: яе мэта, паводле афіцыйных фармулёвак, ва ўніфікацыі і спрашчэнні працэсу.
Да 1 траўня на такія прадукты, як бульба, цыбуля, морква, буракі, капуста і яблыкі, будуць дзеяць максімальныя фіксаваныя цэны. Пасля гэтай даты іх заменяць на абмежаваныя гандлёвыя надбаўкі.
Нягледзячы на гэтую «мадэрнізацыю», эксперты і бізнес адзначаюць: сістэма цэнавага рэгулявання ў Беларусі застаецца ручной і непразрыстай. Яна не развязвае праблемаў з інфляцыяй і дэфіцытам, а часцей пагаршае сітуацыю. Дзяржава працягвае глыбока ўмешвацца ў эканамічныя працэсы – нават у сегменце цэнаў на моркву.
Марыя Міхалевіч belsat.eu
