У грузінскім горадзе Зугдыды, што на захадзе краіны, з буйною партыяй наркотыкаў быў затрыманы грамадзянін Беларусі 1990 года нараджэння з ініцыяламі М.В., паведаміла 2 красавіка МУС Грузіі.
Падчас вобшуку асабістых рэчаў і транспартавага сродку затрыманага работнікі праваахоўных органаў знайшлі наркатычнае рэчыва метадон у асабліва буйным памеры, расфасаваны ў 91 пакунак.
У дачыненні беларуса распачатая справа паводле п. «а» ч. 6 арт. 260 Крымінальнага кодэксу Грузіі («Незаконнае набыццё і захоўванне наркатычных сродкаў у асабліва буйным памеры»). Мужчыне пагражае пазбаўленне волі ад 8 да 20 гадоў ці пажыццёвае зняволенне.
МУС Грузіі 21 лютага паведамляў пра затрыманне за незаконнае абарачэнне наркотыкаў 22 асобаў, сярод якіх – грамадзяне Украіны, Іярданіі, Турцыі і Беларусі. Колькі менавіта было беларусаў сярод затрыманых – не ўдакладнялася.
Марыя Міхалевіч belsat.eu
