Паводле інфармацыі «Белсату», супрацоўнікі КДБ уварваліся ў кватэру ў Менску, дзе пражываў Максім Урбановіч, малодшы брат Дзяніса Урбановіча, які ад самага пачатку поўнамаштабнага ўварвання расейскіх войскаў ва Украіну ваюе ў складзе ЗСУ з пазыўным Ваўкалак.
Вядома, што пасля правядзення ператрусу Максіма Урбановіча затрымалі. Паводле папярэдніх звестак, кватэру, дзе ён пражываў са сваёй дзяўчынай, апячаталі.
Дзе цяпер утрымліваецца Максім, невядома. Невядома таксама, што было прычынай ператрусу і затрымання. Дзяніс Урбановіч даўно не мае стасункаў са сваім братам і мінімум два гады з ім не размаўляў. Пра гэты выпадак ён нічога не ведае.
