Раніцай у сераду, 2 красавіка, у Менску адбыўся прарыў водаправоду, што выклікала падтапленне праспекту Незалежнасці непадалёк Нацыянальнай бібліятэкі.
Інцыдэнт адбыўся ў выніку пашкоджання водаправоднай сеткі Д 1000 мм будаўнічай арганізацыяй, якая вяла работы ў тым раёне, паведамляе БелТА. А 9:20 «Менскводаканал» распачаў ліквідацыю прарыву.
Ускладнены рух па праспекце Незалежнасці з боку вуліцы Макаёнка ў напрамку вуліцы Язмінавай.
«Менскводаканал» папярэдзіў, што падчас аварыйных работаў можа назірацца зніжэнне ціску вады на верхніх паверхах жылых дамоў у квартале вуліцаў Кедышкі – Каліноўскага – Кнорына.
Марыя Міхалевіч belsat.eu
