28 сакавіка ў Бабруйску ў Анатоля Санаценкі сілавікі ўчынілі ператрус, пасля чаго мужчыну затрымалі
31 сакавіка ў дачыненні Анатоля Санаценкі адбыўся адміністратыўны працэс. Вінавацілі, імаверна, паводле арт. 19.11 КаАП РБ («Распаўсюд, выраб, захоўванне, перавоз інфармацыйнай прадукцыі, што змяшчае заклікі да экстрэмісцкай дзейнасці або якая прапагандуе такую дзейнасць»).
Рашэнне суда – 15 содняў адміністратыўнага арышту, паведамляе БАЖ.
У той жа дзень адбыўся ператрус і ў пляменніка Анатоля, індывідуальнага прадпрымальніка Віталя Санаценкі, якому належала выданне.
Нагадаем, што Анатоля Санаценку затрымлівалі ў верасні 2022 года. Яго двойчы судзілі паводле ч. 2 арт. 19.11 КаАП РБ. Журналіст правёў за кратамі 30 содняў.
Тады ж Міністэрства інфармацыі Беларусі заблакавала доступ да сайту «Бобруйского курьера» — babruysk.by. А 26 верасня 2022 года суд Бабруйскага раёну і гораду Бабруйску прызнаў матэрыялы сайту экстрэмісцкай інфармацыйнай прадукцыяй. З таго часу «Бобруйский курьер» перастаў існаваць.
Тэса Анэйда / belsat.eu
