Амаль 80 % супольных інвестыцыйных праектаў у Беларусі праводзяцца разам з Расеяй. Гэта вынікае са звестак, прыведзеных Белстатам.
За 2024 год Расея ўклала ў Беларусь $ 4,9 мільёна.
Паводле Белстату, колькасць арганізацыяў з расейскімі інвестыцыямі павялічылася да 2364. Гэта на 52 больш, чымся ў 2023 годзе.
Расея займае 78,6 % ад усіх супольных праектаў Беларусі ў сферы інвестыцыяў. Акрамя таго, каля 40 % інавацыйнай прадукцыі, адгружанай беларускімі прамысловымі прадпрыемствамі, пастаўляецца ў Расею.
У снежні на пасяджэнні Найвышэйшага дзяржаўнага савету Саюзнай дзяржавы, якое адбывалася ў Менску, Уладзімір Пуцін паведаміў, што Расея ўклала ў эканоміку Беларусі больш за 4 мільярды долараў. Паводле яго, у нашай краіне станам на снежань працавалі каля 2,5 тысячы кампаніяў з расейскім удзелам.
Раман Шавель belsat.eu
