На фоне знікнення спікеркі Каардынацыйнай рады Анжалікі Мельнікавай прайшла інфармацыя пра тое, што невядома, дзе цяпер ейныя дзеці. «Белсату» ўдалося высветліць некаторыя падрабязнасці.
Паводле нашых крыніцаў, асноўнаю прычынаю выезду Анжалікі Мельнікавай з Беларусі пасля 2020 года сталіся пагрозы ад прадстаўнікоў улады забраць дзяцей. Пра гэта раскавала Анжаліка сваім знаёмым.
Пры гэтым ёсць звесткі, што праз нейкі час пасля перабывання за мяжою дзеці зноў вярнуліся ў Беларусь, а сама Анжаліка перыядычна сустракалася з імі «ў трэціх краінах» (імаверна, і беспасярэдне ў Польшчы).
Паводле акаўнту Анжалікі ў Facebook, можна зразумець, што ў 2021 годзе ейная старэйшая дачка вучылася ў школе ў Беластоку. Пасля можна ўбачыць толькі адзін здымак з дзецьмі ў Варшаве (2023 год) і серыю фота ў Лондане ў снежні 2024-га.
Раман Шавель belsat.eu
