Разбуральныя землятрусы ў М'янме і Тайландзе ды найбуйнейшыя лясныя пажары ў Паўднёвай Карэі. Фатаграфіі тыдня
30.03.2025, 06:08
81-гадовая гадавальніца яблыкаў, якая страціла ўвесь ураджай, праходзіць паўз суседскі дом, спалены лясным пажарам два дні таму. Прынамсі 28 чалавек загінулі і 37 атрымалі раненні ў выніку аднаго з найбуйнейшых лясных пажараў у Паўднёвай Карэі. Больш за 23 тысячы былі вымушаныя пакінуць дамы. Ан-Донг (Andong), Паўднёвая Карэя. 27 сакавіка 2025 года. Фота: Yasuyoshi Chiba / AFP / East News
podpis źródła zdjęcia
Разбуральныя землятрусы ў М'янме і Тайландзе, шматтысячныя пратэсты ў Турцыі, адзін з найбуйнейшых лясных пажараў у гісторыі Паўднёвай Карэі – сабралі галоўныя здымкі тыдня.
Ратавальнікі працуюць на месцы ўзвядзення шматпавярховага будынку, які абрынуўся пасля землятрусу магнітудаю 7,7 у Бангкоку. Вядома пра 10 загінулых і 16 параненых, яшчэ 101 асоба лічацца зніклымі без вестак. Бангкок, Тайланд. 28 сакавіка 2025 года. Фота: Wason Wanichkorn / AP Photo / East News
Пратэстоўцы выкрыкваюць лозунгі падчас акцыі пратэсту пасля арышту і змяшчэння ў турму мэра Стамбулу Экрэма Імамаглу. За тыдзень масавых пратэстаў у краіне ўлады затрымалі боль за 1900 асобаў за супраціў паліцыі. Стамбул, Турцыя. 25 сакавіка 2025 года. Фота: Francisco Seco / AP Photo / East News
Чалавек пасля землятрусу ў шпіталі ў сталіцы М’янмы Нэп’ідо (Naypyitaw). Улады краіны паведамілі пра 1007 загінулых і 2389 пацярпелых у выніку разбуральных землятрусаў магнітудаю 7,7 і 6,4. Чакаецца, што колькасць ахвяраў і пацярпелых можа павялічыцца ў парадку разбору завалаў. Штуршкі адчуваліся таксама ў Кітаі і Тайландзе. 28 сакавіка 2025 года. Фота: Sai Aung Main / AFP / East News
Людзі выкрыкваюць лозунгі побач з амапаўцамі падчас акцыі пратэсту пасля арышту і зняволення мэра Стамбула Экрэма Імамаглу, галоўнага суперніка цяперашняга прэзідэнта Турцыі Рэджэпа Эрдагана. 24 сакавіка 2025 года. Фота: Khalil Hamra / AP Photo / East News
Медработнік даглядае параненага салдата з пазыўным Механік у палаце аддзялення інтэнсіўнай тэрапіі Дняпроўскай абласной клінічнай больніцы імя Іллі Мечнікава пасля ранення на фронце. Дняпро, Украіна. 14 сакавіка 2025 года. Фота: Dmytro Smolienko / Ukrinform / East News
Рака Босна (Bosna) выйшла з берагоў у выніку моцных ападкаў на ўездзе ў Сараева, Боснія і Герцагавіна. 27 сакавіка 2025 года. Фота: Armin Durgut / Pixsell / East News
Родныя і блізкія смуткуюць каля труны ўкраінскага вайскоўца Аляксандра Алійніка з пазыўным Богуш падчас пахавальнай цырымоніі ў Кіеве, Украіна. 25 сакавіка 2025 года. Фота: Tetiana Dzhafarova / AFP / East News
Лясны пажар побач з каменным ліхтаром сямейнай магілы ў горадзе Ан-Донг, Паўднёвая Карэя. 26 сакавіка 2025 года. Фота: Yasuyoshi Chiba / AFP / East News
