Аляксандр Лукашэнка падпісаў указ «Аб прыёме ў грамадзянства Рэспублікі Беларусь» 27 сакавіка. Паводле яго, 311 чалавек з іншых краінаў атрымалі беларускае грамадзянства. Пра гэта паведамляе тэлеграм-канал «Пул первого».
Сярод агульнай колькасці тых, хто атрымаў грамадзянства Беларусі, 26 непаўналетніх.
«Акрамя выхадцаў з Украіны грамадзянамі Беларусі зрабіліся асобы, якія прыбылі з Азербайджану, Арменіі, В'етнаму, Грузіі, Ірану, Казахстану, Кыргызстану, Латвіі, Лівану, Малдовы, Расеі, Сірыі, Таджыкістану, Туркменістану і Узбекістану», – гаворыцца ў паведамленні.
Таксама вызначана адмовіць у наданні грамадзянства шэрагу асобаў, якія «неаднаразова парушалі законы Беларусі».
Арсен Рудэнка belsat.eu
