Чарговае загаранне аўтобуса беларускай вытворчасці адбылося ў Расеі. Пра гэта паведамілі ў Міністэрстве надзвычайных сітуацыяў Кіраўскай вобласці РФ.
Як паведамляецца, загаранне аўтобуса адбылося 23 сакавіка падчас руху. Восем пасажыраў, кіроўца і кандуктар своечасова пакінулі транспартны сродак. Пацярпелых няма.
Беларускія аўтобусы МАЗ рэгулярна загараюцца, асабліва часта – у Расеі. Прадстаўнік камітэту транспарту адміністрацыі расейскага Санкт-Пецярбургу Валянцін Енакаеў расказаў, што ў горадзе выявілі магчымыя прычыны пажараў у аўтобусах. Іх нібыта дзве: кароткае замыканне і прылада гідрапрываду радыятара. Але галоўная прычына ў тым, што кампанаванне аўтобусаў шмат гадоў не мянялася, а патрэбы змяніліся.
За 2024 год продаж аўтобусаў МАЗ у Расею знізіўся на 45,5 % у параўнанні з 2023 годам.
Якуб Хруст belsat.eu
